اسلام آباد ( آن لائن)تحریک انصاف کے مزید 46 اراکین کے استعفے منظوری کے مراحل میں ہیں اور آئندہ ہفتے اس حوالے سے فیصلہ متوقع ہے ۔

تحریک انصاف کے چار اراکین ایسے ہیں جنھوں نے نہ ہی استعفیٰ دیا نہ ہی وہ قومی اسمبلی آتے ہیں جبکہ ناصر موسی زئی نے اپنا استعفی واپس لے لیا ہے۔قومی اسمبلی ذرائع نے بتایا کہ تحریک انصاف کے مزید اراکین کے استعفوں کی منظوری پر کام جاری ہے،اب تحریک انصاف کے ایوان میں مجموعی اراکین کی تعداد 74 ہے ،ان 74 میں سے 46 اراکین کے استعفے منظوری کے مراحل میں ہے ،ذرائع کا مزید کہنا تھا کہ 74 میں سے 20 اراکین کا گروپ منحرف اراکین پر مشتمل ہے اور انہوں نے استعفی نہیں دیا،عمران خان سمیت چار اراکین نے ابھی تک ضمنی انتخابات میں کامیابی کے باوجود حلف نہیں اٹھایا،چار ایم این ایز ایسے ہیں جو اسمبلی آتے ہیں نہ ہی انہوں نے استعفی دیا ہے،عمران خان سات نشستوں سے ضمنی انتخابات میں کامیاب ہوئے مگر ان کی ایک نشست ہی کاؤنٹ کی گئی ہے،وہ قانونی طور پر ایک ہی نشست رکھ سکتے ہیں۔

موضوعات:استعفے