جارجیا(این این آئی)امریکی ریاست جارجیا میں شادی کے چند گھنٹوں بعد ہیلی کاپٹر حادثے میں بھارتی نژاد پائلٹ ڈیو فیجی ہلاک ہو گئے
جبکہ ان کی اہلیہ جیسنی زخمی حالت میں بچ گئیں۔غیرملکی خبررساں ادارے کے مطابق 26 سالہ ڈیو فیجی اور جیسنی نے جمعے کے روز شادی کی تھی جس میں تقریبا 400 مہمان شریک ہوئے، شادی کی تقریب کے بعد نوبیاہتا جوڑا ہیلی کاپٹر کے ذریعے روانہ ہوا تاہم پرواز منزل تک نہ پہنچ سکی اور جنگلاتی علاقے میں گر کر تباہ ہو گئی۔حادثے میں ہیلی کاپٹر کا پائلٹ اور دولہا بھارتی نژاد پائلٹ ڈیو فیجی دونوں ہلاک ہو گئے جبکہ ان کی نئی نویلی دلہن جیسنی تقریبا 6 گھنٹے تک ملبے میں پھنسی رہیں، بعد ازاں امدادی ٹیموں نے انہیں زخمی حالت میں ملبے سے باہر نکالا۔
