لندن (نیوز ڈیسک) جمائما گولڈ اسمتھ کے حوالے سے برطانوی میڈیا میں نئی خبروں نے توجہ حاصل کر لی ہے،
جن میں دعویٰ کیا گیا ہے کہ انہوں نے اپنی نجی زندگی میں نیا مرحلہ شروع کرنے کا فیصلہ کر لیا ہے۔رپورٹس کے مطابق جمائما گولڈ اسمتھ گزشتہ تقریباً ایک سال سے ایک امیر سرمایہ کار کے ساتھ تعلق میں تھیں، جو اب منگنی تک پہنچ گیا ہے اور دونوں نے مستقبل میں شادی کا ارادہ ظاہر کیا ہے۔میڈیا اطلاعات کے مطابق جمائما، جو ایک اسکرین رائٹر اور ڈاکیومنٹری پروڈیوسر کے طور پر جانی جاتی ہیں، نے آئرش-آسٹریلوی بزنس مین کیمرون او ریلی سے منگنی کر لی ہے۔ بتایا جاتا ہے کہ دونوں کی شناسائی پیشہ ورانہ سرگرمیوں کے دوران ہوئی، جو وقت کے ساتھ قریبی تعلق میں بدل گئی۔
کیمرون او ریلی ایک معروف سرمایہ کار ہیں اور مختلف عالمی کمپنیوں سے وابستہ رہ چکے ہیں۔ وہ معروف میڈیا شخصیت سر انتھونی او ریلی کے صاحبزادے ہیں۔ذرائع کا کہنا ہے کہ یہ جوڑا اپنی زندگی کا زیادہ وقت سوئٹزرلینڈ اور لندن میں گزارتا ہے، جبکہ جمائما کے اہل خانہ بھی ان سے ملاقات کر چکے ہیں۔رپورٹس کے مطابق دونوں کے درمیان ابتدا میں دوستی رہی، جو بعد ازاں تعلق میں تبدیل ہو گئی، اور اب وہ بطور جوڑا ایک ساتھ مستقبل کی منصوبہ بندی کر رہے ہیں۔
واضح رہے کہ جمائما گولڈ اسمتھ اس سے قبل عمران خان کی اہلیہ رہ چکی ہیں۔
