اسلا م آباد (نیوز ڈ یسک)ایران کے میڈیا اداروں کے مطابق تقریباً 60 روز کے تعطل کے بعد ایران نے روس اور چین کے لیے فضائی آپریشن دوبارہ بحال کر دیا ہے۔
اس پیش رفت سے ایک روز قبل قومی ایئر لائن ایران ایئر نے بھی پروازیں دوبارہ شروع کرنے کی تیاری کا عندیہ دیا تھا۔بی بی سی اردو کی رپورٹ کے مطابق امریکی وزیر خزانہ سکاٹ بیسنٹ پہلے ہی خبردار کر چکے ہیں کہ جو کمپنیاں ایرانی فضائی اداروں کے ساتھ تعاون کریں گی، انہیں امریکی پابندیوں کا سامنا کرنا پڑ سکتا ہے۔انہوں نے کہا تھا کہ غیر ملکی حکومتیں اس بات کو یقینی بنائیں کہ ان کے دائرہ اختیار میں کام کرنے والی کمپنیاں ایرانی طیاروں کو کسی قسم کی سہولت فراہم نہ کریں۔ ان خدمات میں ایندھن کی فراہمی، کیٹرنگ، ہوائی اڈوں پر لینڈنگ فیس اور جہازوں کی مرمت یا دیکھ بھال شامل ہیں۔
سکاٹ بیسنٹ نے مزید واضح کیا تھا کہ امریکی وزارت خزانہ ایسے کسی بھی تیسرے فریق کے خلاف کارروائی سے گریز نہیں کرے گی جو ایرانی اداروں کے ساتھ مالی لین دین کرے یا انہیں سہولت مہیا کرے۔
