واشنگٹن (این این آئی)امریکی اخبار نے حکام اور با خبر ذرائع کے حوالے سے بتایا ہے کہ امریکی صدر ڈونلڈ ٹرمپ اور ان کے
مشیر ایران پر دوبارہ محدود فوجی حملے کرنے کے ساتھ ساتھ آبنائے ہرمز پر امریکی کنٹرول حاصل کرنے پر غور کر رہے ہیں تاکہ امن مذاکرات میں طویل تعطل کو ختم کیا جا سکے۔میڈیارپورٹس کے مطابق چھ ہفتوں سے جاری اس لڑائی کے نتیجے میں ہزاروں افراد ہلاک ہو چکے ہیں جس نے عالمی معیشت کو ہلا کر رکھ دیا ہے اور ایران کی جانب سے آبنائے سے آمد و رفت معطل کیے جانے کے بعد تیل کی قیمتوں میں بھی نمایاں اضافہ ہوا ہے۔اسلام آباد میں ہونے والے یہ مذاکرات، جو گذشتہ ہفتے جنگ بندی کے معاہدے کے بعد ہوئے، گذشتہ دس سال سے زائد عرصے میں امریکہ اور ایران کے درمیان پہلی براہ راست ملاقات اور 1979 کے اسلامی انقلاب کے بعد اب تک کی اعلی ترین سطح کی بات چیت ہے۔
