اسلام آباد (نیوز ڈ یسک)متحدہ عرب امارات کے صدر کے مشیر انور قرقاش نے حالیہ بیان میں کہا ہے کہ امارات نے مشکل حالات میں اپنی خودمختاری اور قومی وقار کا بھرپور تحفظ کیا ہے۔
اپنے بیان میں انہوں نے کہا کہ دشمن کی کارروائیوں کے باوجود ملک کی ترقی کا سفر متاثر نہیں ہوا اور ریاستی نظام مضبوطی سے قائم رہا۔ ان کا کہنا تھا کہ امارات خطے میں بدلتی ہوئی صورتحال اور چیلنجز کا سامنا کرنے کے لیے پوری طرح تیار ہے۔انور قرقاش نے اس بات پر بھی زور دیا کہ اماراتی قیادت آئندہ بھی خطے کے مستقبل کی تشکیل میں فعال کردار ادا کرتی رہے گی۔ ان کے مطابق مضبوطی، استحکام اور مستقل مزاجی پر مبنی اماراتی طرز حکمرانی مستقبل میں مزید مستحکم ہوگا اور علاقائی امن و ترقی میں اہم کردار ادا کرے گا۔
