اسلام آباد(نیوز ڈ یسک) اسٹیٹ بینک آف پاکستان نے نوجوانوں کے لیے ایک اہم قدم اٹھاتے ہوئے انہیں مالی سہولیات تک براہِ راست رسائی دینے کا فیصلہ کیا ہے۔
مرکزی بینک کی جانب سے جاری کردہ نئے اقدام کے تحت اب 13 سے 18 سال کی عمر کے افراد اپنے ذاتی بینک اکاؤنٹس اور ڈیجیٹل والیٹس کھول سکیں گے، جس سے انہیں مالی معاملات میں خودمختاری حاصل ہوگی۔اس مقصد کے لیے ایک نیا فریم ورک بھی متعارف کرایا گیا ہے، جس کا ہدف نوجوانوں میں مالی آگاہی اور ذمہ داری کو فروغ دینا ہے۔ اس کے تحت ٹین ایجرز اپنے اکاؤنٹس خود آپریٹ کر سکیں گے۔
اسٹیٹ بینک کا کہنا ہے کہ اس پالیسی کے ذریعے نوجوانوں کو محفوظ اور باقاعدہ نظام کے تحت مالی خدمات فراہم کی جائیں گی تاکہ وہ کم عمری سے ہی بہتر مالی عادات اپنا سکیں۔
