اسلام آباد (نیوز ڈیسک)یوگنڈا کی فوج کے سربراہ جنرل مہوذی کائنیروگابا نے ایران کے خلاف ممکنہ جنگ میں حصہ لینے کی پیشکش کرتے ہوئے کہا ہے کہ ان کی افواج ضرورت پڑنے پر اسرائیل کا ساتھ دینے کے لیے تیار ہیں۔

بین الاقوامی خبر رساں اداروں کے مطابق انہوں نے اپنے بیان میں کہا کہ اگرچہ مشرقِ وسطیٰ میں کشیدگی کا خاتمہ ہونا چاہیے، تاہم اگر اسرائیل کو کسی خطرے یا شکست کا سامنا ہوا تو یوگنڈا اس معاملے میں خاموش نہیں رہے گا۔

ان کا کہنا تھا کہ اگر اسرائیل کو مدد درکار ہوئی تو یوگنڈا کی فوج فوری طور پر تعاون کے لیے تیار ہوگی۔ انہوں نے اسرائیل کو “بھائی” قرار دیتے ہوئے مکمل حمایت کا اظہار کیا۔

واضح رہے کہ یوگنڈا کی مسلح افواج میں تقریباً 45 ہزار اہلکار شامل ہیں، جبکہ جنرل مہوذی کائنیروگابا ملک کے صدر یوویری موسیوینی کے صاحبزادے بھی ہیں۔