اسلام آباد (نیوز ڈیسک)عالمی منڈی میں تیل کی قیمتوں میں اضافہ دیکھا گیا ہے، جس کی ایک بڑی وجہ ایران کی جانب سے امریکا کے ساتھ مذاکرات سے انکار کو قرار دیا جا رہا ہے۔

ایرانی وزیر خارجہ عباس عراقچی نے حالیہ بیان میں کہا کہ بعض دوست ممالک نے امریکا کی تجاویز ایران تک پہنچائی ہیں، تاہم اسے باقاعدہ مذاکرات یا بات چیت نہیں کہا جا سکتا۔دوسری جانب امریکی صدر ڈونلڈ ٹرمپ کا کہنا تھا کہ ایرانی قیادت دراصل اس بات کا اعتراف کرنے سے گریزاں ہے کہ وہ مذاکرات میں شامل ہے۔اس صورتحال کے اثرات عالمی آئل مارکیٹ پر بھی پڑے ہیں، جہاں برینٹ کروڈ کی قیمت میں تقریباً 1.6 فیصد اضافہ ہوا اور یہ 103.85 ڈالر فی بیرل تک پہنچ گئی۔ اسی طرح ویسٹ ٹیکساس انٹرمیڈیٹ (WTI) کی قیمت 1.4 فیصد بڑھ کر 91.61 ڈالر فی بیرل کی سطح پر آ گئی ہے۔