اسلام آباد ۰نیوز ڈ یسک)چین نے اعلان کیا ہے کہ امریکی اور اسرائیلی حملوں میں جاں بحق ہونے والے ایرانی طلبہ کے اہلِ خانہ کی مدد کے لیے فوری مالی امداد فراہم کی جائے گی۔
چینی وزارتِ خارجہ کے مطابق ریڈ کراس سوسائٹی آف چائنا کی جانب سے دو لاکھ ڈالر کی ہنگامی امداد مختص کی گئی ہے۔ یہ رقم ایرانی ریڈ کریسنٹ سوسائٹی کے حوالے کی جائے گی تاکہ اسے متاثرہ خاندانوں تک پہنچایا جا سکے۔وزارتِ خارجہ کے ترجمان نے بتایا کہ یہ امدادی پیکج خاص طور پر ان طلبہ کے والدین کے لیے رکھا گیا ہے جو حالیہ فضائی حملوں کے دوران اپنی جانوں سے ہاتھ دھو بیٹھے۔ ترجمان نے مزید کہا کہ بیجنگ عام شہریوں کو نشانہ بنانے کی کارروائیوں کی سخت مذمت کرتا ہے اور اسے بین الاقوامی قوانین کی کھلی خلاف ورزی سمجھتا ہے۔
چینی حکام کے مطابق یہ قدم ایران کے ساتھ اظہارِ ہمدردی اور انسانی بنیادوں پر اٹھایا گیا ہے تاکہ متاثرہ خاندانوں کو مشکل وقت میں کچھ مالی سہارا فراہم کیا جا سکے۔
