واشنگٹن(این این آئی)امریکی صدر ڈونلڈ ٹرمپ نے کہاہے کہ امریکا دنیا کا سب سے بڑا تیل پیدا کرنے والا ملک ہے،
لہٰذا جب تیل کی قیمتیں بڑھتی ہیں تو ہمیں بہت زیادہ منافع ہوتا ہے۔ایک بیان میں ڈونلڈ ٹرمپ نے ایران کے ساتھ جاری کشیدگی کے باعث عالمی تیل کی بڑھتی قیمتوں اور مارکیٹ میں اتار چڑھا کو معمولی قرار دیتے ہوئے کہاکہ امریکا تیل کی قیمتوں میں اضافے سے فائدہ اٹھاتا ہے۔ ڈونلڈ ٹرمپ نے کہا کہ امریکا دنیا کا سب سے بڑا تیل پیدا کرنے والا ملک ہے، لہٰذا جب تیل کی قیمتیں بڑھتی ہیں، تو ہم بہت زیادہ کماتے ہیں، لیکن میرے لیے سب سے اہم اور زیادہ اہمیت کا حامل مقصد یہ ہے کہ ایران کو جوہری ہتھیار حاصل کرنے اور مشرق وسطی و دنیا کو تباہ کرنے سے روکا جائے۔امریکی صدرنے کہاکہ میں کبھی بھی مشرق وسطی اور دنیا کو تباہ نہیں ہونے دوں گا۔
