اسلام آباد(نیوز ڈیسک)امریکی میڈیا رپورٹس کے مطابق مشرقِ وسطیٰ کے تنازعے میں روس نے بالواسطہ کردار ادا کرنا شروع کر دیا ہے اور
ایران کو امریکی اہداف پر حملوں کے لیے خفیہ معلومات فراہم کر رہا ہے۔رپورٹ میں کہا گیا ہے کہ روس نے ایران کو امریکی جنگی جہازوں اور بحری جہازوں کی موجودہ پوزیشنز فراہم کیں، جس کی بنیاد پر ایران کے حملے زیادہ درست اور مؤثر ثابت ہوئے۔ جنگ کے آغاز کے بعد سے روس مسلسل ایران کو امریکی فوجی اثاثوں کی لوکیشن فراہم کرتا رہا ہے۔میڈیا کے مطابق ایرانی حملوں کا ہدف امریکی فوجی تنصیبات، ریڈار سسٹمز اور کمانڈ سینٹرز ہیں۔ تاہم، سی آئی اے اور پنٹاگون نے روس کے تعاون کے حوالے سے کوئی تبصرہ کرنے سے انکار کر دیا ہے، اور روسی سفارت خانے نے بھی انٹیلی جنس تعاون کے بارے میں کوئی جواب دینے سے گریز کیا۔رپورٹ میں یہ بھی بتایا گیا کہ ایران کے حملے منصوبہ بندی کے تحت انتہائی درست انداز میں کیے جا رہے ہیں، اور اب تک چین ایران کی دفاعی معاونت میں نظر نہیں آیا۔دوسری جانب وائٹ ہاؤس نے کہا ہے کہ ایرانی حکومت اس وقت شدید دباؤ میں ہے اور اسے داخلی و خارجی سطح پر متعدد چیلنجز کا سامنا ہے۔
