اسلام آباد (نیوز ڈیسک) ایران پر امریکا اور اسرائیل کی جانب سے ہونے والے حملوں کے نتیجے میں ہلاکتوں کی تعداد میں اضافہ ہو گیا ہے۔

تازہ رپورٹس کے مطابق اب تک ایران میں 1230 افراد جان سے ہاتھ دھو بیٹھے ہیں، جبکہ لبنان میں جاری اسرائیلی کارروائیوں کے دوران 77 افراد ہلاک ہو چکے ہیں۔عرب میڈیا کی رپورٹس کے مطابق ایران نے ان حملوں کے جواب میں اسرائیل پر کارروائیاں کیں جن کے نتیجے میں 11 افراد ہلاک ہوئے۔ ان ہلاک ہونے والوں میں 6 امریکی فوجی بھی شامل بتائے جا رہے ہیں۔رپورٹس میں یہ بھی کہا گیا ہے کہ ایرانی حملوں کے دوران متحدہ عرب امارات میں 3 افراد کی جان گئی، جبکہ بحرین میں ایک میزائل کو مار گرانے کے بعد صنعتی علاقے میں آگ بھڑک اٹھی جس کے نتیجے میں ایک شخص ہلاک ہو گیا۔

مزید اطلاعات کے مطابق کویت میں بھی ایرانی حملوں کے اثرات دیکھنے میں آئے جہاں 2 کویتی فوجیوں سمیت 4 افراد ہلاک ہوئے۔ اس کے علاوہ عمان کی ایک بندرگاہ پر موجود آئل ٹینکر پر پروجیکٹائل حملہ کیا گیا جس میں ایک شخص جان سے گیا۔