اسلام آباد (نیوز ڈیسک) ایران کے وزیر خارجہ عباس عراقچی نے سوشل میڈیا پر ایک تصویر شیئر کی ہے
جس میں امریکی حملے میں جان گنوانے والی 160 اسکول طالبات کی قبریں دکھائی گئی ہیں۔ایکس (ٹوئٹر) پر جاری اپنے بیان میں عباس عراقچی نے لکھا کہ یہ وہ “نجات” ہے جس کا وعدہ سابق امریکی صدر ڈونلڈ ٹرمپ نے ایرانی عوام سے کیا تھا۔ ان کا کہنا تھا کہ معصوم جانوں کو بے رحمی سے نشانہ بنایا گیا۔وزیر خارجہ کے مطابق میناب شہر میں واقع ایک ابتدائی اسکول پر حملے کے نتیجے میں 160 کمسن طالبات شہید ہوئیں، جنہیں مقامی قبرستان میں سپردِ خاک کر دیا گیا۔ انہوں نے اپنے پیغام میں غزہ سے میناب تک بے گناہ شہریوں کی ہلاکتوں کا حوالہ دیتے ہوئے عالمی برادری کی توجہ اس سانحے کی جانب مبذول کرائی۔واضح رہے کہ 28 فروری کو امریکا اور اسرائیل کی جانب سے مشترکہ کارروائیاں کی گئی تھیں،
جنہیں امریکی صدر نے “ایپک فیوری” کا نام دیا تھا۔ ایرانی حکام کا کہنا ہے کہ انہی حملوں کے دوران میناب میں اسکول کی طالبات نشانہ بنیں۔
These are graves being dug for more than 160 innocent young girls who were killed in the US-Israeli bombing of a primary school. Their bodies were torn to shreds.
This is how “rescue” promised by Mr. Trump looks in reality.
From Gaza to Minab, innocents murdered in cold blood. pic.twitter.com/cRdJ3BELOn
— Seyed Abbas Araghchi (@araghchi) March 2, 2026
