اسلام آباد (نیوز ڈ یسک)ڈونلڈ ٹرمپ نے دعویٰ کیا ہے کہ ایران کی نئی قیادت ان کے ساتھ مذاکرات کی خواہش رکھتی ہے،
تاہم ایرانی حکام کی جانب سے اس بیان کی تاحال کوئی توثیق نہیں کی گئی۔الجزیرہ کی رپورٹ کے مطابق ٹرمپ نے اٹلانٹک میگزین کو دیے گئے انٹرویو میں کہا کہ ایران کی نئی قیادت بات چیت کرنا چاہتی ہے اور وہ اس کے لیے آمادہ ہیں۔ ان کا کہنا تھا کہ تہران کو یہ قدم پہلے اٹھانا چاہیے تھا۔امریکی صدر نے مزید کہا کہ ایران کے لیے ایک سادہ اور قابلِ عمل راستہ موجود تھا، مگر انہوں نے غیر ضروری تاخیر کی۔ انہوں نے یہ بھی واضح کیا کہ فی الحال وہ یہ نہیں بتا سکتے کہ ممکنہ مذاکرات کب ہوں گے۔ ان کے بقول جن افراد کے ساتھ پہلے رابطے تھے، ان میں سے اکثر اب زندہ نہیں رہے۔ٹرمپ کا کہنا تھا کہ ایران پر بڑا حملہ کیا گیا جس میں کئی اہم شخصیات ہلاک ہوئیں۔ انہوں نے دعویٰ کیا کہ تہران چاہتا تو پہلے ہی کسی معاہدے تک پہنچ سکتا تھا، لیکن اس نے سنجیدگی کا مظاہرہ نہیں کیا اور وقت ضائع کیا۔
