اسلام آباد (نیوز ڈیسک) سعودی عرب نے خطے میں ہونے والے ایرانی حملوں کی شدید الفاظ میں مذمت کرتے ہوئے خبردار کیا ہے کہ
اگر ایسی کارروائیاں جاری رہیں تو اس کے سنگین اثرات مرتب ہو سکتے ہیں۔ یہ ردعمل ایسے وقت سامنے آیا ہے جب ایران کی جانب سے ریاض کو میزائل حملوں کا نشانہ بنایا گیا۔سعودی وزارتِ خارجہ کی جانب سے جاری بیان میں ایران کی کارروائیوں کو کھلی جارحیت اور خطے کے کئی ممالک کی خودمختاری کی خلاف ورزی قرار دیا گیا۔ اعلامیے میں کہا گیا کہ متحدہ عرب امارات، بحرین، قطر، کویت اور اردن کے خلاف اقدامات ناقابلِ قبول ہیں، جو ایران نے امریکا اور اسرائیل کے حملوں کے بعد کیے۔بیان میں مملکت نے ان تمام برادر ممالک کے ساتھ مکمل یکجہتی کا اظہار کیا اور واضح کیا کہ وہ ان کی جانب سے اٹھائے جانے والے ہر اقدام کی حمایت کرے گا۔
وزارتِ خارجہ نے عالمی برادری پر بھی زور دیا کہ وہ ان واقعات کا نوٹس لے، واضح مذمت کرے اور خطے کے امن و استحکام کو درپیش خطرات سے نمٹنے کے لیے مؤثر اور فیصلہ کن اقدامات کرے۔
🚨Saudi Arabia condemned what it called Iran’s “treacherous aggression” and violations of the sovereignty of the UAE, Bahrain, Qatar, Kuwait, and Jordan, after the United States and Israel launched an unprovoked major military assault on Iran, and Iran fired back on US bases in… pic.twitter.com/1YCftvSZQQ
— Drop Site (@DropSiteNews) February 28, 2026
