اسلام آباد (نیوز ڈیسک )مشرقِ وسطیٰ میں امریکی عسکری موجودگی میں اضافے کے باوجود ایران کے مؤقف میں نرمی نہ آنے پر ڈونلڈ ٹرمپ تشویش کا شکار نظر آتے ہیں۔
ان کے خصوصی نمائندے اسٹیو وٹکوف نے ایک انٹرویو میں انکشاف کیا کہ صدر نے حیرت کا اظہار کرتے ہوئے پوچھا کہ شدید دباؤ اور خطے میں بحری طاقت بڑھانے کے باوجود ایران ہتھیار نہ رکھنے کا اعلان کیوں نہیں کرتا۔وٹکوف کے مطابق صدر کا یہ بھی سوال تھا کہ آخر تہران یہ واضح کیوں نہیں کرتا کہ اسے اسلحہ درکار نہیں، جبکہ امریکا مسلسل اپنی فوجی تعیناتی بڑھا رہا ہے۔یاد رہے کہ دونوں ممالک کے درمیان مذاکرات کے دو مرحلے ہو چکے ہیں، مگر اب تک کوئی نمایاں نتیجہ سامنے نہیں آیا۔ ادھر اطلاعات ہیں کہ واشنگٹن خطے میں اپنی طاقت میں مزید اضافہ کر رہا ہے اور ایک اور طیارہ بردار بحری جہاز بھی مشرقِ وسطیٰ کی جانب روانہ کیا جا رہا ہے۔
تجزیہ کاروں کے مطابق کشیدگی میں اضافے کے باوجود سفارت کاری کا دروازہ مکمل طور پر بند نہیں ہوا، البتہ باہمی بداعتمادی اب بھی دونوں ریاستوں کے تعلقات میں بڑی رکاوٹ بنی ہوئی ہے۔
