اسلام آباد(نیوز ڈ یسک)اافغانستان کا پاسپورٹ ایک بار پھر عالمی درجہ بندی میں کمزور ترین سفری دستاویزات میں شمار کیا گیا ہے

اور اس کے حامل افراد کو محدود ممالک تک رسائی حاصل ہے۔میڈیا رپورٹس کے مطابق عالمی رہائشی اور شہریت مشاورتی ادارے ہینلے اینڈ پارٹنرز کی تازہ درجہ بندی میں افغان پاسپورٹ فہرست کے آخری نمبر پر رکھا گیا ہے۔ نئی رینکنگ کے مطابق یہ 101ویں پوزیشن پر موجود ہے، جس کے باعث اسے دنیا کا سب سے کمزور پاسپورٹ قرار دیا جا رہا ہے۔رپورٹ میں بتایا گیا ہے کہ افغان شہری صرف 25 ممالک میں ویزا فری یا آمد پر ویزا کی سہولت حاصل کر سکتے ہیں۔ ماہرین کے مطابق اس کمزور پوزیشن کی بنیادی وجوہات میں سفارتی تعلقات کی محدودیت، سکیورٹی خدشات، سیاسی غیر یقینی صورتحال اور معاشی مسائل شامل ہیں۔

تجزیہ کاروں کا کہنا ہے کہ کسی بھی ملک کے پاسپورٹ کی عالمی حیثیت اس کے بین الاقوامی روابط، داخلی استحکام اور خارجہ پالیسی پر منحصر ہوتی ہے، جبکہ موجودہ حالات نے افغانستان کے شہریوں کے لیے بیرون ملک سفر کو مزید دشوار بنا دیا ہے اور ملک کو عالمی سطح پر سفارتی چیلنجز کا سامنا ہے۔