ریاض (این این آئی)سعودی عرب میں رمضان کا چاند نظر آگیا ہے اور (آج) 18 فروری بروز بدھ پہلا روزہ رکھا گیا ۔

رمضان کا چاند دیکھنے کے لیے حوطہ سدیر کے مقام پربڑا اجلاس ہوا ، سعودی عرب میں 7 دیگرمقامات پربھی چاند دیکھنے کے لیے اجلاس ہوئے جن میں محکمہ موسمیات اور فلکیات کے ماہرین نے شرکت کی۔سعودی میڈیا کے مطابق مملکت میں رمضان کا چاند دیکھنے کیلئے پہلی بار جدید ٹیکنالوجی کا استعمال کیا گیا۔سعودی میڈیا کے مطابق مملکت میں رمضان کا چاند نظر آگیا ہے اور بدھ 18 فروری 2026 یکم رمضان 1447ہجری روزہ ہے ادھر ملائیشیا اور ترکیے میں چاند نظر نہیں آیا جس کے بعد وہاں 19 فروری کو یکم رمضان کا اعلان کیا گیا ہے۔ اس کے علاوہ سنگاپور، برونائی، آسٹریلیا اور عمان میں بھی رمضان کا آغاز 19 فروری سے ہوگا۔