اسلام آباد (نیوز ڈیسک) بنگلا دیش میں نو منتخب وزیرِاعظم طارق رحمان نے اپنے عہدے کا حلف اٹھا لیا۔
ڈھاکا میں منعقد ہونے والی تقریبِ حلف برداری میں پاکستان کی نمائندگی وفاقی وزیر احسن اقبال نے کی۔ اس سے قبل پارلیمنٹ میں بی این پی کے ارکان نے متفقہ طور پر طارق رحمان کو قائدِ ایوان منتخب کیا تھا، جس کے بعد وہ وزارتِ عظمیٰ کے منصب پر فائز ہوئے۔دوسری جانب بنگلا دیش کے عبوری سربراہ اور نوبیل انعام یافتہ رہنما محمد یونس نے قوم سے خطاب کرتے ہوئے اپنے عہدے سے استعفیٰ دینے کا اعلان کیا۔ انہوں نے کہا کہ اقتدار منتخب نمائندوں کو منتقل کیا جا رہا ہے اور ملک میں جمہوری عمل، اظہارِ رائے کی آزادی اور بنیادی حقوق کا تسلسل برقرار رہنا چاہیے۔
یاد رہے حالیہ عام انتخابات میں بی این پی نے بھاری اکثریت حاصل کر کے حکومت بنانے کا مینڈیٹ حاصل کیا تھا۔
