سڈنی(این این آئی)آسٹریلیا میں 16 سال سے کم عمر بچوں کے سوشل میڈیا کے استعمال پر پابندی کیلئے قانون سازی کئے جانے کاامکان ہے۔غیرملکی میڈیاکے مطابق آسٹریلیا کے وزیر اعظم انتھونی البانیز نے کہا کہ مجوزہ قوانین اگلے ہفتے پارلیمنٹ میں پیش کیے جائیں گے۔انہوںنے کہاکہ ان قوانین کا مقصد سوشل میڈیا کے نقصان کو کم کرنا ہے جو آسٹریلوی بچوں کو پہنچ رہا ہے۔
انتھونی البانیز نے کہا کہ یہ والدین کیلئے ہے جو میری طرح ہمارے بچوں کی آن لائن حفاظت کے بارے میں پریشان ہیں۔انہوں نے کہا کہ میں چاہتا ہوں کہ آسٹریلوی خاندان اس حوالے سے جان لیں کہ حکومت آپ کے ساتھ ہے۔غیر ملکی میڈیا کے مطابق اس حوالے سے بہت سی تفصیلات پر بحث ہونا باقی ہے۔جن بچوں کو والدین کی اجازت ہو گی ان پر پابندی کا اطلاق نہیں ہو گا۔حکومت نے کہا کہ پابندی کا اطلاق سوشل میڈیا پر پہلے سے موجود نوجوانوں پر نہیں ہو گا۔
