بدھ‬‮ ، 02 جولائی‬‮ 2025 

کئی سال پہلے دائرہ اسلام میں داخل ہو ا، جرمن فٹبالر

datetime 17  ستمبر‬‮  2023
ہمارا واٹس ایپ چینل جوائن کریں

برلن (این این آئی)جرمنی کے معروف فٹبالر رابرٹ باؤر نے انکشاف کیا ہے کہ وہ کئی سال پہلے دائرہ اسلام میں داخل ہو چکے ہیں۔رابرٹ باؤر نے فوٹو اینڈ ویڈیو شیئرنگ ایپ انسٹا گرام پر اپنی اہلیہ کے ہمراہ اپنی ایک تصویر شیئر کی ہے۔انہوں نے یہ تصویر شیئر کرتے ہوئے کیپشن میں لکھا کہ مجھ سے میرے متعلق کافی سوالات پوچھے جا رہے ہیں اس لیے آپ سب کو اپنی کہانی بتا رہا ہوں۔جرمن فٹبالر نے بتایا کہ میں جرمنی میں مقیم قازقستانی مسیحی والدین کے ہاں پیدا ہوا تھا جو 1994ء میں جرمنی منتقل ہوئے تھے۔

انہوں نے بتایا کہ میری دبئی میں اپنی اہلیہ سے پہلی بار ملاقات ہوئی جو پیدائشی مسلمان ہیں اور اسلامی تعلیمات پر عمل بھی کرتی ہیں، وہ تنزانیہ میں پیدا ہوئیں، ان کے والد کا تعلق تنزانیہ سے جبکہ والدہ ترک ایرانی ہیں۔رابرٹ بائور نے بتایا کہ میری اہلیہ کی پرورش دبئی میں ہوئی اور ان کی فیملی بھی وہیں مقیم ہے، میں نے کئی سال پہلے جب میری شادی ہوئی تھی اس وقت اسلام قبول کیا تھا تاہم میں اس وقت اسلام کے بارے میں بہت زیادہ نہیں جانتا تھا۔اْنہوں نے بتایا کہ گزرتے وقت کے ساتھ میں نے بہت کچھ سیکھا لیکن اب سعودی عرب آنے کے بعد میں اسلام کے بارے میں گرم جوشی محسوس کرتا ہوں اور دوبارہ شہادت کہنا چاہتا ہوں، قرآن کو پڑھنا، سیکھنا اور اس پر عمل کرنا چاہتا ہوں۔

رابرٹ بائور نے اپنی پوسٹ کے آخر میں لکھا ہے کہ میں اپنے دل کی گہرائیوں سے آپ سب کا شکریہ ادا کرنا چاہتا ہوں کیونکہ مجھے آپ سب کی طرف سے اتنی محبت مل رہی ہے اور میں سیکھنے اور آگے بڑھنے کے لیے پرجوش ہوں۔اْنہوں نے اپنی انسٹا اسٹوری پر اپنے سسر ناصر اور بیٹے عیسیٰ کے ہمراہ نماز ادا کرتے ہوئے بھی اپنی ایک تصویر شیئر کی ہے۔

آج کی سب سے زیادہ پڑھی جانے والی خبریں


کالم



حکمت کی واپسی


بیسویں صدی تک گھوڑے قوموں‘ معاشروں اور قبیلوں…

سٹوری آف لائف

یہ پیٹر کی کہانی ہے‘ مشرقی یورپ کے پیٹر کی کہانی۔…

ٹیسٹنگ گرائونڈ

چنگیز خان اس تکنیک کا موجد تھا‘ وہ اسے سلامی…

کرپٹوکرنسی

وہ امیر آدمی تھا بلکہ بہت ہی امیر آدمی تھا‘ اللہ…

کنفیوژن

وراثت میں اسے پانچ لاکھ 18 ہزار چارسو طلائی سکے…

دیوار چین سے

میں دیوار چین پر دوسری مرتبہ آیا‘ 2006ء میں پہلی…

شیان میں آخری دن

شیان کی فصیل (سٹی وال) عالمی ورثے میں شامل نہیں…

شیان کی قدیم مسجد

ہوکنگ پیلس چینی سٹائل کی عمارتوں کا وسیع کمپلیکس…

2200سال بعد

شیان بیجنگ سے ایک ہزار اسی کلومیٹر کے فاصلے پر…

ٹیرا کوٹا واریئرز

اس کا نام چن شی ہونگ تھا اوروہ تیرہ سال کی عمر…

گردش اور دھبے

وہ گائوں میں وصولی کیلئے آیا تھا‘ اس کی کمپنی…