نئی دہلی(این این آئی)بھارت میں نیم فوجی دستے سینٹرل ریزرو پولیس فورس کے ایک اور اہلکار نے چھت سے لٹک کر اپنی زندگی کا خاتمہ کرلیا۔بھارتی میڈیا کے مطابق ریاست آسام کی فوجی بیس میں سینٹرل ریزرو پولیس فورس کے اہلکار نے اپنے کمرے میں چھت سے لٹک کر خودکشی کرلی۔اس طرح ایک ماہ میں خودکشی رنے والے بھارتی فوج کے اہلکاروں کی تعداد 3 ہوگئی۔ اہلکار کی شناخت بپن چندرا کے نام سے ہوئی۔ساتھی اہلکاروں نے خودکشی کرنے والے بپن چندرا کو قریبی ملٹری ہسپتال منتقل کیا جہاں ڈاکٹرز نے موت کی تصدیق کردی۔
موت کی وجہ گلے کی ہڈی کا ٹوٹنا اور دم گھٹنا بتایا گیا ہے۔پولیس کے مطابق بپن چندرا کے کمرے سے خودکشی نوٹ ملا اور نہ ایسی کوئی چیز سے ملی ہے جس سے خودکشی کی وجہ کا تعین کیا جا سکے۔ لاش کو ضروری کارروائی کے بعد آبائی گائوں منتقل کردیا گیا۔دوسری جانب سینٹرل ریزرو پولیس فورس کے ترجمان نے بتایا کہ واقعہ کی تحقیقات کے لیے انکوائری کمیٹی تشکیل دیدی گئی۔یاد رہے کہ بھارتی فوجیوں کی کم ہمتی اور ذہنی دبائو کے باعث خودکشی کے واقعات میں اضافہ ہوا اور کسی بھی واقعے کی تحقیقات کے لیے بنائی گئی کسی کمیٹی کا کبھی کوئی نتیجہ سامنے نہیں آیا۔
