دیو ہیکل چاند پورے چاند کے موقعے پر ہی دیکھا جا سکتا ہے،سربراہ جدہ میں فلکیاتی سوسائٹی
ریاض(این این آئی)اتوار اور سوموار کی درمیانی شب سعودی عرب اور عرب دنیا کے آسمان پر دیوہیکل چاند کا نظارہ دیکھنے میں آیا۔ معمول کے مقابلے میں زمین سے تھوڑا قریب ہونے کی وجہ سے چاند کا حجم کافی بڑا اور زیادہ روشن دیکھا جا رہا تھا۔ یہ رواں سال 2023 کا پہلا بڑا اور پورا روشن چاند ہے۔میڈیارپورٹس کے مطابق جدہ
میں فلکیاتی سوسائٹی کے سربراہ انجینیر ماجد الزاہرہ نے وضاحت کی کہ دیو ہیکل چاند پورے چاند کے موقعے پر ہی دیکھا جا سکتا ہے۔ جب چاند کے مرکز اور زمین کے مرکز کے درمیان فاصلہ ہو 362.146 کلومیٹر کے اندر ہو۔سائنسی اصطلاح میں اس وقت کے چاند کیلیےperigee moon کی اصطلاح استعمال
کی جاتی ہے۔ اس کا مطلب ہے کہ چاند زمین کے قریب ترین فاصلے پر اور اس پورے چاند کی صورت میں نمایاں ہوگا اور اس کا زمین سے فاصلہ 361,934 کلو میٹر ہوگا۔انہوں نے مزید کہا کہ چاند مکہ مکرمہ کے معیاری وقت کے مطابق دوپہر 02:38 بجے سورج سے 180 ڈگری کے زاویے پر تکمیل کے لمحے کو
پہنچ جائے گا اور وہ اس مہینے کے دوران زمین کے گرد اپنے مدار کا نصف مکمل کر لے گا۔ .ابو زھرہ نے مزید کہا کہ چاند غروب آفتاب کے ساتھ جنوب مشرقی افق سے طلوع ہو گا اور زمین کے ارد گرد کی فضا میں گرد و غبار کے نتیجے میں اس سے منعکس ہونے والی سفید روشنی نارنجی رنگ میں تبدیل ہوسکتی ہے۔
