کارڈف(این این آئی)برطانیہ میں نشے میں دھت خاتون سے جنسی زیادتی کرنے پر بھارتی طالب علم کو سزا سنا دی گئی۔برطانوی میڈیا کے مطابق خاتون سے زیادتی کا واقعہ ویلز کے دارالحکومت کارڈف میں پیش آیا تھا۔ بھارتی طالب علم نشے میں مدہوش خاتون کو کلب کے باہر سے اپنے ساتھ لے گیا تھا۔
برطانوی عدالت نے ریپ کے مجرم 20 سالہ بھارتی طالب علم پریت وکال کو 6 سال اور 9 ماہ قید کی سزا سنا دی۔ بھارتی طالب علم نے عدالت میں ریپ کا اعتراف کیا تھا۔ساتھ ویلز پولیس کے مطابق 20 سالہ پریت وکال برطانوی یونیورسٹی میں انجینیرنگ کا طلب علم ہے۔ اس نے متاثرہ لڑکی کو ویلز میں نارتھ روڈ کے علاقے کے ایک گھر میں ریپ کا نشانہ بنایا۔ واقعے کی سی سی ٹی وی فوٹیج بھی ریلیز کردی گئی جس میں بھارتی طالب علم کو لڑکی کو اٹھا کر لے جاتے ہوئے دیکھا جا سکتا ہے۔پولیس کے مطابق سی سی ٹی وی کی مدد سے بڑے پیمانے پر تحقیقات کی گئیں جس کے بعد پریت وکال کی شناخت ہوئی اور اسے گرفتار کیا گیا تھا۔
