واشنگٹن (اے ایف پی) تین سال قبل جب ایلین مرسڈیز کینن کو ڈونلڈ ٹرمپ نے جج مقرر کیا تھا تو انہوں نے سوچا بھی نہ ہوگاکہ وہ ایک دن اپنی عدالت میں مدعا علیہ کے طور ان کا کیس نمٹائیں گی۔

ڈونلڈ ٹرمپ کے ہائی اسٹیک مقدمے کی صدارت کرنے کے لیے جج ایلین مرسڈیزکینن کو کیس تفویض کرنےنے سابق امریکی صدر کے خلاف وفاقی سطح کے پہلے مجرمانہ مقدمے میں تنازع کی ایک اور پرت کا اضافہ کر دیا ہے۔ایلین مرسڈیز 38 برس کی تھیں جب ڈونلڈ ٹرمپ نے انہیں بنچ میں مقرر کیا تھا،جبکہ ٹرمپ کے ڈیموکریٹ جو بائیڈن سے صدارتی انتخاب ہارنے کے چند دن بعداس کی تصدیق نومبر 2020 میں سینیٹ نے 56-21 ووٹوں میں کی تھی ۔ایف بی آئی نے اگست 2022 میں ٹرمپ کی مار-اے-لاگو رہائش گاہ پر چھاپہ مارنے کے بعد خفیہ دستاویزات کی بازیافت کے لیے جنہیں سابق صدر نے واپس کرنے سے انکار کر دیا تھا،ایلین مرسڈیز کینن کو ٹرمپ کی جانب سے ضبطی کو چیلنج کرنے کےمقدمے کی سماعت کا کام سونپا گیا۔