کنبیرا(این این آئی) آسٹریلیا میں خاتون نے خواب میں آنے والے ہندسوں کی مدد سے لاٹری جیت لی۔غیر ملکی خبر رساں ایجنسی کے مطابق آسٹریلیا کی ریاست وکٹوریا کی ایک خاتون نے خواب میں آنے والے ہندسوں کو آزماتے ہوئے 6 لاکھ 70 ہزار ڈالر کی لاٹری جیت لی۔
ایلڈونا سے تعلق رکھنے والی خاتون نے کہا کہ انہیں لاٹری کے نمبرز خواب میں آئے تھے اور انہوں نے اسے آزماتے ہوئے منڈے اینڈ وینزڈے لوٹو ڈرائنگ لاٹری کے ٹکٹ خرید لیے تھے۔انہوں نے کہا کہ میں نے یہ ٹکٹ دی لوٹ کی ویب سائٹ سے 12 اپریل کو خریدے تھے جس کے نمبرز کو خواب میں آنے والے نمبرز کے ذریعے آزمایا تھا۔خاتون نے کہا کہ لاٹری خریدنے کے بعد ٹکٹ گھر میں رکھ دیئے تھے اور ان کی جانب توجہ نہیں رہی تاہم لاٹری جیتنے کا علم اس وقت ہوا جب کئی روز بعد اپنا بیلنس جاننے کے لیے اکائونٹ چیک کیا تو معلوم ہوا لاٹری کی انعامی رقم جیتی چکی ہوں جس کی رقم اکائونٹ میں منتقل ہو چکی تھی۔
