100سٹار لنک ڈیوائسز ایران میں انٹرنیٹ فراہم کر رہی ہیں،ایلون مسک

  بدھ‬‮ 28 دسمبر‬‮ 2022  |  17:48

نیویارک(این این آئی )امریکی ٹیکنالوجی کمپنی اسپیس ایکس کے سربراہ ایلون مسک نے اعلان کیا ہے کہ اسٹار لنک سیٹلائٹ نیٹ ورک کے ذریعے محفوظ انٹرنیٹ خدمات کے لیے تقریبا 100 ڈیوائسز فی الحال ایران میں کام کر رہی ہیں۔ارب پتی مسک نے ستمبر میں ایران میں اپنے سیٹلائٹ نیٹ ورک کے

ذریعے انٹرنیٹ دستیاب کرانے کا وعدہ کیا تھا، جہاں حکام انٹرنیٹ تک رسائی پر بڑھتی ہوئی پابندیاں عائد کرتے ہیں۔مسک نے ایک ٹویٹ میں لکھا کہ ہم ایران میں 100 فعال سٹار لنک (ڈیوائسز)کے قریب پہنچ رہے ہیں۔انہوں نے ستمبر میں اعلان کیا تھا کہ وہ ایرانیوں کے لیے انٹرنیٹ کی آزادی اور معلومات کے آزادانہ بہا کو فروغ دینے کے لیے امریکی حمایت یافتہ کوششوں کے حصے کے طور پر ایران میں سٹار لنک سروس کو چالو کریں گے۔سٹار لنک کے پاس اس وقت 2,000 سے زیادہ چھوٹے سیٹلائٹس ہیں جو کم مدار میں یعنی چند سو کلومیٹر کی بلندی پر زمین کے گرد چکر لگا رہے ہیں تاکہ نیچے کے علاقوں کی آبادیوں کو انٹرنیٹ کی سہولت فراہم کی جا سکے۔ٹویٹر کے نئے مالک ایلن مسک نے سماجی رابطوں کی ویب سائٹ پر ایک صارف کی جانب سے پوسٹ کی گئی ایک ویڈیو کے جواب میں ٹویٹ کیا جس نے کہا کہ اس نے یہ ویڈیو ایران میں کھلے مقامات پر بنائی ہے، جہاں اب خواتین کو سر کے بال ڈھانپنے یا نہ ڈھانپنے کے لیے اپنی مرضی استعمال کرنے کی اجازت دی گئی ہے۔سیٹلائٹ براڈ بینڈ سروس ایرانیوں کو مظاہروں کے دوران انٹرنیٹ اور کچھ سوشل میڈیا پلیٹ فارمز تک رسائی پر حکومتی پابندیوں کو روکنے میں مدد دے سکتی ہے۔



زیرو پوائنٹ

اب تو آنکھیں کھول لیں

یہ14 جنوری کی رات تھی‘ پشاور کے سربند تھانے پر دستی بم سے حملہ ہو گیا‘ دھماکا ہوا اور پورا علاقہ لرز گیا‘ وائر لیس پر کال چلی اور ڈی ایس پی سردار حسین فوری طور پر تھانے پہنچ گئے‘ ان کے دو محافظ بھی ان کے ساتھ تھے‘یہ لوگ گاڑی سے اترے‘ چند قدم لیے‘ دور سے فائر ہوا‘سردار ....مزید پڑھئے‎

یہ14 جنوری کی رات تھی‘ پشاور کے سربند تھانے پر دستی بم سے حملہ ہو گیا‘ دھماکا ہوا اور پورا علاقہ لرز گیا‘ وائر لیس پر کال چلی اور ڈی ایس پی سردار حسین فوری طور پر تھانے پہنچ گئے‘ ان کے دو محافظ بھی ان کے ساتھ تھے‘یہ لوگ گاڑی سے اترے‘ چند قدم لیے‘ دور سے فائر ہوا‘سردار ....مزید پڑھئے‎