خرطوم (این این آئی )سوڈان میں نیشنل سول ڈیفنس کونسل نے اتوار کے روز اعلان کیا ہے کہ طوفانی بارشوں اور سیلاب سے مرنے والوں کی تعداد 80 ہو گئی ہے جب کہ 31 زخمی ہیں۔ میڈیارپورٹس کے مطابق سرکاری اعداد و شمارمیں بتایاگیاکہ مکمل طور پر تباہ ہونے والے گھروں کی تعداد 17,080 تک پہنچ گئی
اور 23,850 مکانات جزوی طور پر تباہ ہوئے، اس کے علاوہ بڑی تعداد میں دکانیں اور دیگرسہولیات بھی تباہ ہوئیں۔دوسری طرف سوڈانی حکومت نے 6 ریاستوں میں طوفانی بارشوں کے نتیجے میں ہنگامی حالت کا اعلان کیا تھا۔سوڈان کے محکمہ موسمیات نے خبردار کیا کہ اس سال کے موسم کی بارشیں زیادہ ہوں گی۔ اچانک سیلاب زیادہ تر ریاستوں پر حملہ کر سکتا ہے، جس کے لیے خاص طور پر نشیبی علاقوں میں احتیاط کی ضرورت ہے۔سوڈان میں نیشنل سول ڈیفنس کونسل کے ہنگامی اجلاس میں پناہ گاہ کے سامان اور دیگر سے تمام موجودہ امداد کو محدود کرنے اور طوفانی بارشوں اور بارشوں سے سب سے زیادہ متاثر ہونے والی ریاستوں یعنی دریائے نیل، الجزیرہ، کسالا کی ریاستوں میں منصفانہ اور فوری طور پر تقسیم کرنے کی سفارش کی گئی۔سوڈانی وزیر برائے سماجی ترقی احمد آدم بخیت نے کہا کہ طوفانی بارشوں کی وجہ سیمتاثرہ علاقے کو آفت زدہ علاقہ قرار دیا جا سکتا ہے۔
