واشنگٹن (این این آئی) امریکی نشریاتی ادارے نے الیکشن فراڈ کی افواہوں کو ہوا دینے کے الزام میں اپنا کامیاب ترین پروگرام منسوخ کردیا۔میڈیا رپورٹ کے مطابق امریکی نشریاتی ادارے نے الیکشن فراڈ کی افواہوں کو ہوا دینے کے الزام میں اپنا کامیاب ترین پروگرام منسوخ کردیا ہے ۔
لیو ڈوبس سابق امریکی صدر ڈونلڈ ٹرمپ کے زبردست حامی سمجھے جاتے ہیں، وہ فوکس بزنس نیٹ ورک کے کامیاب ترین پروگرام کے میزبان ہیں۔برطانوی میڈیا کے مطابق گزشتہ روز ڈوبس کا آخری پروگرام نشر کیا گیا، ڈوبس اپنے پروگرامز کے ذریعے الیکشن چوری کی خبریں پھیلانے کا بڑا ذریعہ ثابت ہوئے تھے ۔ڈوبس نے الیکشن چوری کی خبریں اس اعتراف کے بعد بھی پھیلائیں کہ ان کے پاس ثبوت نہیں ہیں۔75 برس کے ڈوبس 2011ء سے امریکی نشریاتی ادارے پر پروگرام کر رہے تھے، لیو ڈوبس اب بھی ٹی وی ریٹنگ کے لحاظ سے کامیاب ٹی وی میزبان کہلائے جاتے ہیں۔میڈیا رپورٹ کے مطابق ڈوبس کا نشریاتی ادارے سے معاہدہ برقرار ہے لیکن ان کا پروگرام دوبارہ آن ایئر ہونے کا کوئی امکان نہیں ہے۔
