جمعرات‬‮ ، 03 اپریل‬‮ 2025 

مقبوضہ کشمیر سے تعلق رکھنے والی 2خواتین وائٹ ہائوس ٹیم میں شامل

datetime 20  جنوری‬‮  2021
ہمارا واٹس ایپ چینل جوائن کریں

اسلام آباد، واشنگٹن (مانیٹرنگ ڈیسک، این این آئی )امریکہ کے نو منتخب صدر جوبائیڈن نے بھارتی زیرقبضہ کشمیر سے تعلق رکھنے والی دو خواتین کو اپنی وائٹ ہاوس ٹیم میں شامل کرلیا۔روزنامہ نوائے وقت میں جاوید صدیق کی شائع خبر کے مطابق سمیرا فاضلی کو صدر جوبائیڈن نے

وائٹ ہائوس کی قومی معاشی کونسل میں ڈپٹی ڈائریکٹر مقرر کیا ہے۔ وائٹ ہائوس کی نیشنل اکنامک کونسل صدر کو معاشی امور کے بارے میں مشورے دیتی ہے۔ سمیرا فاضلی اس سے قبل اٹلانٹک بنک میں کلیدی عہدہ پر کام کر چکی ہیں۔ اس سے قبل صدر جوبائیڈن نے کشمیر سے تعلق رکھنے والی خاتون امریکی شہری عائشہ شاہ کو وائٹ ہائوس میں ڈیجیٹل سٹرٹیجی ٹیم میں ڈائریکٹر انویسٹمنٹ مقرر کیا تھا۔ سمیرافاضلی اوبامہ انتظامیہ میں بھی وائٹ ہاوس کی نیشنل اکنامکس کونسل میں خدمات انجام دے چکی ہیں۔ سمیرافاضلی امریکہ کی YALE یونیورسٹی کی گریجویٹ ہیں اور انہوں نے ہاورڈکالج سے گریجویشن کی ہے۔ دوسری جانب امریکی نو منتخب صدر جو بائیڈن نے ایک اورپاکستانی  نژاد امریکی شہری سلمان احمد کو اپنی خارجہ پالیسی کی ٹیم میں شامل کرلیا۔میڈیارپورٹس کے مطابق ایک بیان میں کہا گیا کہ سلمان احمد اوباما نیشنل سیکورٹی کونسل میں اسٹریٹیجک پلاننگ کے سربراہ کی حیثیت سے فرائض انجام

دے چکے ہیں اور وہ بحیثیت ڈائریکٹر پالیسی پلاننگ، امریکی اسٹیٹ ڈپارٹمنٹ میں شمولیت اختیار کریں گے۔سلمان احمد اقوام متحدہ میں امریکی مشن کے چیف آف اسٹاف اور اقوام متحدہ میں امریکی مستقل نمائندے کے سینیئر پالیسی ایڈوائزر بھی رہ چکے ہیں۔سال 2009 میں امریکی اسٹیٹ

ڈپارٹمنٹ کے ساتھ منسلک ہونے سے قبل سلمان احمد نے پرسٹن یونیورسٹی کے وڈرو وِلسن اسکول آف پبلک اینڈ انٹرنیشنل افیئرز میں وِزیٹنگ پروفیسر اور ریسرچ اسکالر کی خدمات انجام دیں۔علاوہ ازیں انہوں نے اقوامِ متحدہ کے لیے تقریبا 15 برس کام کیا جس میں اقوام متحدہ کے امن

آپریشن کے سربراہ کے لیے چیف اآف اسٹاف کا عہدہ بھی شامل ہے۔سلمان احمد نے یونیورسٹی آف کیمبرج سے بین الاقوامی تعلقات میں ماسٹرز کی سند جبکہ نیویارک یونیورسٹی کے اسٹرن اسکول آف بزنس سے معاشیات میں بیچلرز کی ڈگری حاصل کی تھی۔دریں اثنا امریکی نو منتخب صدر

جوبائیڈن کی ماحولیات کی ٹیم کے لیے منتخب ہونے والے پاکستانی نژاد علی زیدی نے کہا ہے کہ نومنتخب صدر نے جب فون کیا تو میں حیران تھا بلاشبہ یہ میرے لیے ایک اعزاز کی بات ہے۔خیال رہے کہ جوبائیڈن نے علی زیدی کا نام بطور ڈپٹی نیشنل کلائمیٹ ایڈوائزر نامزد کیا ہے۔

میڈیارپورٹس کے مطابق ماحولیات سے متعلق وائٹ ہائوس کے ڈپٹی کوآرڈینیٹر علی زیدی نے اپنے حالیہ ٹوئٹر پیغام میں کہا کہ نومنتخب صدر جو بائیڈن نے مجھے فون کیا تو میں حیران تھا، یہ میرے لیے اعزاز ہے۔انہوں نے کہا کہ موسمیاتی بحران سے نمٹنے کے لیے ہمیں حکومت کے ایک مکمل طرز عمل کی ضرورت ہے، ایسے طرز عمل کی ضرورت ہے جو ملازمتوں کی حوصلہ افزائی اور انصاف کو فروغ دے۔

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…