ریاض (این این آئی )ایک مقامی سعودی آرٹسٹ نے چائے کی پیالیوں پر موسم سرما کی نسبت سے فن پارے تیار کیے تو سوشل میڈیا پران کی تصاویر کی دھوم مچ گئی۔ سعودی آرٹسٹ کو بھی اندازہ نہیں تھا کہ اس کے یہ فن پارے اتنی تیزی کے ساتھ سوشل میڈیا پر مقبول ہوسکتے ہیں۔
عرب ٹی وی کے مطابق سعودی آرٹسٹ نورہ عبداللہ القمیزی نے چائے کی پیالیوں پر اگرچہ عربی میں الفاط کے ساتھ تصاویر بنائیں جو سوشل میڈیا پر وائرل ہوئیں مگر انہیں ہرجگہ دیکھنے والوں نے بے حد پسند کرتے ہوئے نورہ کی فن کارانہ مہارت کو داد پیش کی ہے۔ پیالیوں پر لکھے گئے اس کے الفاظ کچھ اس طرح تھے رات سرد ہو رہی ہے اور میری خواہشیں تیز ہو رہی ہیں۔بردان دلوں کو توڑ دیتے ہیں۔ اس نے سردیوںکی عکاسی کرنے والے جملوںکے ساتھ پیالیوں پر سردیوں کی مناسبت سے تصاویر بھی پینٹ کیں۔ ان میں کوٹ، چائے کی کیتلی، ہیتر اور دیگر اشیا شامل ہیں۔نورہ القمیزی نے کہا کہ مجھے بچپن سے ڈرائنگ پسند تھی لیکن میں اپنی صلاحیتوں کو بڑھانا پسند نہیں کرتی تھی۔ میں نے گھر قرنطینہ کے ایام میں اس پر توجہ دینا شروع کی تھی۔ میں نے بصری صلاحیت کے ذریعہ ڈرائنگ سیکھنا شروع کی میں نے انٹرنیٹ پر ڈرائنگ کی ویڈیوز دیکھیں اور ان کی مشق کرنے لگی۔
