کڈونا( آن لائن )پاکستان کے بعد ایک اور اسلامی ملک میں آبرو ریزی  کے ملزمان کو سخت سزائیں دینے کا فیصلہ ہو گیا۔ نائیجریا کی ریاست کڈونا میں بچوں آبروریزی  کے مرتکب افراد کو موت کی سزا جبکہ خواتین کو  آبروریزی کا نشانہ بنانے والے افراد کو نامرد بنا دیا جائے گا،

گورنر نے قانون پر دستخط کر دیے۔ تفصیلات کے مطابق پاکستان کے بعد ایک اور اسلامی ملک کی ریاست نے بڑھتے ہوئے آبروریزی کو روکنے کے لیے سخت سزاں کا اعلان کر دیا ہے، جس میں آبرو ریزی  کے مرتکب افراد کو موت سے لے کر نامرد بنانے تک کی سزائیں دی جائیں گی۔غیر ملکی خبر رساں ادارے کے مطابق نائیجیریا کی ریاست کڈونا کے گورنر نصیر احمد الرفاعی نے ایک قانون پر دستخط کیے ہیں جس کے مطابق 14 سال سے کم عمر بچوں کو آبرو ریزی  کا نشانہ بنانے والے افراد کو موت کی سزا دی جائے گی، جبکہ خواتین کے ساتھ آبروریزی کرنے والے افراد کو سرجیکلی نامرد بنا دیا جائے گا۔اس ضمن میں گورنر نصیر احمد الرفاعی کا کہنا تھا کہ بچوں کو سنگین جرائم سے بچانے کے لیے سخت سزاں کی ضرورت ہے۔  واضح رہے کہ کورونا وائرس کے باعث پابندیوں کی وجہ سے پچھلے کچھ مہینوں کے دوران نائیجیریا میں عصمت دری کے واقعات میں ڈرامائی طور پر اضافہ ہوا ہے

موضوعات:خواتین کی بے حرمتی