ابو ظہبی (آن لائن)متحدہ عرب امارات میں ایک یورپی شہری نے عرب سرمایہ کار کو 7.7 ملین درہم میں فرضی فلیٹ فروخت کردیا۔ عرب سرمایہ کار کو پروجیکٹ کے ڈیزائن اور فلیٹ کی جعلی دستاویز حوالے کرکے بے وقوف بنایا گیا۔عرب سرمایہ کار نے

عدالت میں اپنے بیان میں بتایا کہ یورپی شہری نے اسے ابتدائی معاہدے کی کاپی فراہم کی اور نے وعدہ کیا کہ پروجیکٹ مکمل ہونے پر فائنل ایگریمنٹ کی کاپی دی جائے گی۔ عرب سرمایہ کار کے مطابق ایک دن وہ ہاؤسنگ پروجیکٹ کمپنی کے دفتر چلا گیا تاکہ متعلقہ فلیٹ کے بارے میں تفصیلات دریافت کرسکے۔ دفتر والوں کو دستاویزات اورابتدائی ایگریمنٹ کی کاپی حوالے کی۔دفتری عملے نے ریکارڈ دیکھنے کے بعد کہا کہ آپ کے پاس جتنی بھی دستاویزات ہیں وہ سب جعلی ہیں اور آپ کے نام سے ہمارے یہاں کوئی فلیٹ رجسٹرڈ نہیں ۔عرب سرمایہ کار نے بتایا کہ جب وہ ریئل سٹیٹ ایجنسی پہنچا جس کے یہاں یورپی شہری مینجر کے طور پر کام کررہا تھا۔وہاں یہ سن کر سکتے میں آگیا کہ وہ تو کئی لوگوں کو دھوکہ دے کر ان سے رقمیں اینٹھ کر فرار ہوگیا ہے۔دبئی کی فوجداری عدالت نے ریئل سٹیٹ کے یورپی مینجر کے خلاف اس کی عدم موجودگی میں مقدمے کی سماعت شروع کردی ۔

موضوعات:یورپی شہری عرب سرمایہ کار سے ہاتھ کر گیا