سری نگر (آن لائن) مقبوضہ جموں و کشمیر ، جاری آزادی تحریک سے اس علاقے کے لوگوں خصوصا ً نوجوانوں کی توجہ ہٹانے کے لئے بھارت کی ایک اور کوشش ، بھارتی فوج نے ضلع اسلام آباد میں پہلا کمیونٹی ریڈیو اسٹیشن شروع کردیا ۔اسلام آباد ہائی گراؤنڈ میں ریڈیو رباطہ ـ دل سے دل تک ـ قائم کیا گیا ہے اور اسٹوڈیو کو ایک گیریژن میں رکھا گیا ہے۔

بھارتی فوج ضلع شوپیاں میں ایسے ہی ایک اور اسٹیشن کو چلانے کا ارادہ رکھتی ہے۔جولائی میں نوجوانوں کے مقبول رہنما برہان مظفر وانی واقعے کے بعد سے ، جنوبی کشمیر کے چار اضلاع کلگام ، اسلام آباد ، شوپیاں اور پلوامہ کے متعدد نوجوان مجاہد تنظیموں کی صفوں میں شامل ہوے اور انہوں نے بھارتی فوج کے خلاف مزاحمت کو تیز کیا ۔ بھارتی افواج کے لئے سب سے زیادہ پریشان کن بات یہ ہے کہ جنوبی کشمیر میں مزاحمتی تحریک میں شامل ہونے والے نوجوانوں کی تعداد میں کسی طرح کی کمی نہیں آرہی ہے۔ایسا لگتا ہے کہ بھارتی فوج اس خوش فہمی میں مبتلا ہے کہ ریڈیو ربٹا انھیں نوجوان آبادی تک پہنچنے اور اردو ، پنجابی اور کشمیر زبانوں میں گانے کے ذریعہ بھارت کے خلاف آزادی کی جدوجہد سے ان کی توجہ ہٹانے میں مدد فراہم کرے گا۔ یہ امر قابل ذکر ہے کہ ریڈیو اسٹیشن کا آغاز ایک ایسے وقت میں ہوا ہے جب 18 جولائی کو شوپیاں میں ایک جعلی مقابلے میں جموں خطے کے علاقے راجوری سے تعلق رکھنے والے تین بے گناہ مزدوروں کو ہلاک کردیا گیا تھا جس کی وجہ سے بھارتی فوجی وہاں مشکلات سے دو چار ہیں ۔

موضوعات:مقبوضہ کشمیر