جدہ (آن لائن)سعودی شہری نے اپنے چار نابینا بچوں کو کچھ کر دکھانے کے جذبے سے سرشار کرکے معاشرے کے لیے مثال بنا دیا۔ محمد العبد الھادی نے بتایا کہ میرے گھر میں سب سے پہلے بیٹی منیرہ نے جنم لیا جو نابینا پیدا ہوئی، پھرعبدالھادی بھی نابینا پیدا ہوئے۔اس کے بعد ریم پیدا ہوئیں

وہ بینا تھیـ سلطان اور عبداللہ یکے بعد دیگرے پیدا ہوئے اور دونوں نابینا تھے۔آخر میں خالد پیدا ہوا وہ بینا تھے۔ میری بیوی بریل سسٹم سے ناواقف تھیں لیکن انہوں نے اسے چیلنج کے طور پر لیا اور اس میں مہارت حاصل کی۔روزانہ چھ گھنٹے اپنے بچوں کو اس کی مدد سے تعلیم دیتیں۔ میری بیٹی منیرہ خوش نویس ہیں اور بہت اچھی مقرر بھی ہیں۔ منیرہ مشرقی ریجن میں عبداللہ بدر السویدان ایوارڈ جیت چکی ہیں۔ سیرت طیبہ کے مقابلے میں شریک ہوئی تھیں۔ اب وہ کنگ عبدالعزیز یونیورسٹی جدہ میں تعلیم حاصل کر رہی ہیں۔ انہوں نے ٹرینرز کو ٹریننگ دینے والا سرٹیفیکیٹ بھی حاصل کیا ہے۔میرا بیٹا عبدالھادی منفرد نغمہ گو ہیں۔ریم منفرد آرٹسٹ بن گئی ہیں۔ سلطان بہت اچھے قاری ہیں۔ مشرقی ریجن میں تحفیظ القرآن کی جانب سے انہیں منفرد قاری کا اعزاز مل چکا ہے۔ حفظ قرآن کے شاہ سلمان مقابلے میں شریک ہوچکے ہیں۔