لندن (مانیٹرنگ ڈیسک)متحدہ قومی موومنٹ کے بانی الطاف حسین کو برطانیہ کی عدالت نے سزا سنا دی ہے۔ عدالت نے اپنے فیصلے میں ٹیکس چوری اور منی لانڈرنگ کے الزامات پر بانی ایم کیو ایم کو 44 کروڑ روپے سے زائد کا

جرمانہ ادا کرنے کا حکم دے دیا ہے۔ الطاف حسین نے برطانیہ کا شہری ہونے کے باوجود 1995ء سے 2015 ء تک کوئی ٹیکس ادا نہیں کیا ہے۔50 ہزار پاؤنڈ ماہانہ اخراجات ہونے کے الطاف حسین کی طرف سے کبھی ٹیکس جمع نہیں کرایا گیا ہے، ان کے وکیل نے برطانوی عدالت کو بتایا کہ الطاف حسین کے اخراجات عطیات کی رقم سے پورے کیے جاتے تھے، اس لیے ان پر کوئی ٹیکس عائد نہیں ہوتا۔ وکیل کا موقف مسترد کرتے ہوئے عدالت نے بانی ایم کیو ایم پر 20 لاکھ پاؤنڈز یعنی 44 کروڑ پاکستانی روپے سے زائد کا جرمانہ عائد کر دیا، اگر جرمانہ نہ ادا کیا گیا تو انہیں جیل کی ہوا بھی کھانا پڑ سکتی ہے۔