ریاض(مانیٹرنگ ڈیسک) سعودی عرب آنے والے مسافروں کے لئے سعودی ائیر لائنز نے گائیڈ لائنز جاری کی ہیں۔ ان گائیڈ لائنز کے مطابق مسافروں کو 7 روز کے لئے قرنطینہ میں رہنا پڑے گا، اس کے علاوہ کورونا سے محفوظ ہونے کا حلف نامہ بھی جمع کروانا پڑے گا۔ سعودی عرب کی وزارت صحت کا کہناہے کہ ہر مسافر کو سات نکات پر سختی سے عمل کرنا ہو گا۔حلف نامے میں مسافر کو اپنا نام،
رہائش کا پتہ، اقامہ نمبر، جس ملک سے آرہے ہیں، فلائٹ نمبر اور تاریخ آمد واضح طور پر درج کرنا ہوگی۔ مسافر کو حلف نامے میں اس بات کا بھی پابند بنایا گیا ہے کہ وہ سعودی عرب کے کسی بھی ہوائی اڈے پرآتے ہی مذکورہ فارم پر کرکے وزارت صحت کے متعلقہ کاؤنٹر پر جمع کرائے۔قرنطینہ میں رہنے کے بعد کورونا ٹیسٹ کی رپورٹ بھی پیش کرنا ہوگی۔سعودی ائیر لائنز کا کہنا ہے کہ تمام مسافر وزارت صحت کی ایپ ’تطمن‘ اور ’توکلنا‘ پر خود کو رجسٹرکرائیں گے۔مسافر سعودی عرب آمد کے آٹھ گھنٹے کے اندر ’تطمن‘ ایپ پر اپنی رہائش کا پتہ فراہم کریں گے۔مسافروں کو یومیہ اس ایپ پر رپورٹ دینا ہو گی۔ معاہدے کی ساتویں شق کے مطابق ہر مسافر اس امر کا پابند ہوگا کہ وہ وزارت صحت کی طرف سے جاری کئے گئے ایس اوپیز کا مکمل طور پرخیال رکھے۔یاد رہے کہ پچیس ممالک کی فہرست جو سعودی ائیر لائنز کی جانب سے جاری کی گئی ہے ان ممالک میں پاکستان اور انڈیا کا نام شامل نہیں ہے۔ سعودی عرب آنے والے مسافروں کے لئے سعودی ائیر لائنز نے گائیڈ لائنز جاری کی ہیں۔ ان گائیڈ لائنز کے مطابق مسافروں کو 7 روز کے لئے قرنطینہ میں رہنا پڑے گا، اس کے علاوہ کورونا سے محفوظ ہونے کا حلف نامہ بھی جمع کروانا پڑے گا۔ سعودی عرب کی وزارت صحت کا کہناہے کہ ہر مسافر کو سات نکات پر سختی سے عمل کرنا ہو گا۔
