واشنگٹن(این این آئی)107سالہ امریکی خاتون نے کورونا وائرس کو شکست دے دی، صحت یاب ہونے پر پوتی کے ساتھ ڈانس بھی کیا۔میڈیارپورٹس کے مطابق دنیا بھر میں کورونا وائرس کے مریضوں کی تعداد میں حیران کن طور پر اضافہ دیکھنے میں آ رہا ہے جبکہ امریکا میں اس بیماری نے پنجے گاڑے ہوئے ہیں۔دنیا بھر میں اگرچہ کورونا وائرس کا شکار ہونے کے بعد فوت ہونے والوں کی اکثریت بیمار
اور عمر رسیدہ افراد ہیں مگر امریکی ریاست نیو جرسی کی ایک 107 سالہ اینا ڈیل پریئر نامی بزرگ خاتون اسپتال میں مشکل وقت گزارنے کے بعد کورونا وائرس سے صحت یاب ہو گئیں۔صحت یابی کے بعد انہیں گھر منتقل کر دیا گیا ہے، اینا 6 سال کی عمر میں اسپینش فلو کو بھی شکست دے چکی ہیں۔بزرگ خاتون نے گھر پہنچ کر اپنی پوتی کے ساتھ ڈانس بھی کیا جس کی ویڈیو سوشل میڈیا پر وائرل ہو رہی ہے۔
