اسلام آباد (مانیٹرنگ ڈیسک)روس نے کرونا وائرس کے علاج کے لیے ویکسین تیار کر لی ہے اور تجرباتی ادوار سے کامیابی حاصل کرنے کے بعد لانچ کرنے کا اعلان بھی کیا ہے۔ غیر ملکی خبر رساں ادارےکی رپورٹ کے مطابق کرونا ویکسین ماسکو کی گامالیا انسٹی ٹیوٹ اور روسی وزرات دفاع کے

اشتراک سےتیار کی گئی ہے جس کے تینوں تجرباتی مراحل کامیابی سے مکمل ہو چکے ہیں۔ روسی نائب وزیر صحت کا کہنا ہے کہ کہ تیار کردہ کرونا ویکسین کے انسانوں پر تینوں کلینیکل ٹرائلز کامیابی کے ساتھ مکمل ہوئے تاہم اسے اب مارکیٹ میں پیش کیا جائے گا ۔ غیر ملکی میڈیا اطلاعات کے مطابق روسی صدرولادی میر پیوٹن نے ویکسین کی پہلی خوراک سب سے پہلے اپنی بیٹی کو دی ۔ دوسری جانب فلپائن کے صدر رودریگو نے روس کی کورونا وائرس کے علاج کے لیے بنائی گئی ویکسین خریدنے کی آفر بھی قبول کر لی ہے۔فلپائن کے صدر کا کہنا ہے کہ وہ رضاکارانہ طور پر پوری عوام کے سامنے ویکسین کا استعمال سب سے پہلے خود کریں گے۔

موضوعات:روس نے کرونا وائرس کے علاج کے لیے تیار کر لی