سڈنی ( آن لائن) آسٹریلوی ذرائع ابلاغ کی جانب سے کئے گئے سروے کے دوران حکومت کی کورونا وائرس کے پھیلائو کو روکنے کی کوششوں اور ویج سبسڈی سکیم کے باعث وزیراعظم سکاٹ موریسن مقبول ترین یعنی سب سے زیادہ پسندیدہ لیڈر قرار دے دیئے گئے۔
غیر ملکی خبررساں ادارے کے مطابق آسٹریلوی دارالحکومت کینبرا میں 1500 ووٹرز کے درمیان کرائے گئے سروے میں آسٹریلوی وزیراعظم سکاٹ موریسن کی مقبولیت اپوزیشن رہنما کے مقابلے میں 68 فیصد رہی جو حکومت کے کورونا وائرس کے خلاف اقدامات اور ویج سبسڈی سکیم کے فروغ کے باعث ممکن ہوا جہاں دنیا بھر کے مقابلے میں متاثرہ کیسز کی تعداد صرف 21,400اور 314 اموات ہوئیں جبکہ لاک ڈائون کے باعث بے روزگاری کی شرح 10 فیصد تک رہی اور یہی نہیں آسٹریلوی وزیراعظم سکاٹ موریسن نے حکومتی خسارے سے بچنے اور ملازمین کی مدد کے لیے ویج سبسڈی سکیم کے تحت 100 بلین آسٹریلوی ڈالر یعنی 71.50 بلین امریکی ڈالر خرچ کرنے کا وعدہ بھی کیا۔
