مکہ مکرمہ(آن لائن ) خادم حرمین شریفین شاہ سلمان بن عبد العزیز کی نیابت کرتے ہوئے گورنر مکہ مکرمہ شہزادہ خالد الفیصل نے نیا غلاف کعبہ کے کلیدبردار شیخ صالح الشیبی کے حوالے کردیا ہے۔اس موقع پر حرمین شریفین انتظامیہ کے سربراہ ڈاکٹرشیخ عبد الرحمن السدیس بھی موجود تھے۔ غلاف کعبہ 9 ذو الحجہ
کو بعد نماز فجر تبدیل کیا جائیگاجب عازمین حج میدان عرفات میں وقوف عرفہ کیلئے پہنچیں گے۔نیا غلاف کعبہ حوالے کرنے کی تقریب کے موقع پر حرمین شریفین انتظامیہ کے سربراہ شیخ عبد الرحمن السدیس نے خادم حرمین شریفین شاہ سلمان بن عبدالعزیز اور ولیعہد شہزادہ محمد سلمان کا شکریہ ادا کیا۔
