نئی دہلی (این این آئی)بھارت میں ایک خاندان نے بھنگ کے پتّوں کو میتھی سمجھ کر کھا لیا جس کے باعث ان کی حالت غیر ہوگئی اور انہیں ہسپتال منتقل کیا گیا۔بھارتی میڈیا کے مطابق یہ انوکھا واقعہ ریاست اتر پردیش میں پیش آیا جہاں ایک مقامی سبزی فروش نوال کشور نے نتیش نامی شخص کو بھنگ کے پتوں کو مذاق میں میتھی کہہ کر بیچ دیا۔بعدازاں نتیش نے یہ بھنگ کے پتے اپنی بھابی کو پکانے کیلئے دے دیے اور ان کے گھر میں موجود 6 افراد نے اسے پہچانے بغیر سبزی سمجھ کر کھا لیا۔جیسے ہی خاندان نے

کھانا کھایا تو تمام گھر والوں کی طبیعت عجیب ہونے لگی جس کے بعد انہوں نے پڑوسی سے ڈاکٹر کو بلانے کا کہا۔جتنی دیر میں ڈاکٹر کو فون کیا گیا تو پورا خاندان بے ہوش ہوگیا۔پڑوسی نے فوراً ہی پولیس کو بلا لیا اور ساتھ ہی متاثرہ خاندان کو بھی ہسپتال منتقل کیا گیا۔ پولیس نے واقعے کی تفتیش کرنا شروع کی اور گھر میں موجود بچی ہوئی سبزی کو دیکھا تو انہیں معلوم ہوا کہ یہ تو بھنگ کے پتے ہیں۔پولیس نے واقعہ کی مزید تفتیش کرتے ہوئے سبزی فروش کو حراست میں لے لیا اور مقدمہ بھی درج کردیا۔

موضوعات:پورا خاندان بھنگ کو میتھی سمجھ کر کھا گیا