کابل( آن لائن ) افغانستان بم دھماکہ میں 3شہری ہلاک 4افراد زخمی ہوگئے،افغانستان کے شمالی صوبہ سری پل میں سڑک کنارے نصب بم دھماکے میں 3شہری ہلاک اور 4زخمی ہوگئے۔ مقامی سکیورٹی حکام کی جانب سے جاری کردہ بیان
کے مطابق شہر کے باہر شیرمہاکے علاقے میں سڑک کنارے دہشت گردوں کی جانب سے نصب کئے گئے بم دھماکے میں 3شہری ہلاک ہوئے اور 3خواتین سمیت چار افراد زخمی ہوئے۔ تاہم ابھی تک کسی تنظیم نے ذمہ داری قبول نہیں کی ہے۔
