حیدرآباد (این این آئی)بھارت میں جاری ملک گیر لاک ڈاؤن کی وجہ سے شادی میں مسلسل تاخیر سے دلبرداشتہ ہو کر ایک جوڑے نے خودکشی کرلی۔بھارتی ٹی وی کے مطابق بھارتی ریاست تلنگانا میں 22 سالہ پنڈور گنیش اور20 سالہ سوام سیٹھبائی کی لاشیں ان کی رہائش گاہ سے کچھ فاصلے پر واقع کھیتوں میں ملیں۔

اس ضمن میں پولیس نے بتایا کہ لاک ڈائون کی وجہ سے دونوں خاندانوں نے شادی کی تقریب موخر کردی تھی جس پرجوڑا افسردہ تھا۔پولیس نے بتایا کہ دونوں کی لاشوں کو پوسٹ مارٹم کیلیے ہسپتال منتقل کردیا گیا البتہ پولیس یہ بتانے سے قاصر تھی کہ ان کی موت کیسے ہوئی لیکن انہوں نے مقدمہ درج کرکے تحقیقات کا آغاز کردیا ہے۔