بغداد(این این آئی)عراق سے ملنے والی اطلاعات کے مطابق دارالحکومت بغداد کے وسط میں پارلیمنٹ ہائوس کے بالمقابل تزویراتی اور دفاعی اہمیت کی حامل جگہ پر عراقی حزب اللہ ملیشیا کے قبضے نے ایک نیا تنازع کھڑا کردیا ہے۔عرب ٹی وی کے مطابق عراق میں سماجی

کارکنوں نے سوشل میڈیا پر اس جگہ کی تصاویر پوسٹ کی ہیں اور کہا ہے کہ اس جگہ پر ایرانی حمایت یافتہ حزب اللہ بریگیڈ کا قبضہ ہے۔عراق کے بعض ذرائع ابلاغ نے خبر دی ہے کہ وزیراعظم ہائوس کے ڈائریکٹر اور ان کے برادر نسبتی فالح الفیاض(الحشد ملیشیا کے سابق سربراہ)نے گرین زون میں آنے والی یہ جگہ سرمایہ کاری کے لیے حزب اللہ بریگیڈ کو دی ہے۔ جہاں حزب اللہ بریگیڈ نے قبضہ کیا اس کے سامنے وزیراعظم کا مہمان خانہ قائم ہے۔ حزب اللہ ملیشیا نے اس جگہ اپنے خیمے گاڑھ لیے ہیں۔سوشل میڈیا پر شہریوں نے بغداد کے گرین زون، سخت حفاظت والے علاقے، سفارت خانوں کے بیچ اہمیت کے حامل مقام کو ایک جنگجو گروپ کے حوالے کرنے پرحکومت سے وضاحت کرنے کا مطالبہ کیا گیا ہے۔

موضوعات:حزب اللہ ملیشیا