اشگباد (مانیٹرنگ ڈیسک) دنیا کا واحد اسلامی ملک جو کرونا جیسے مہلک وائرس سے محفوظ ہے وہ ترکمانستان ہے یہاں اب تک ایک بھی کیس رپورٹ نہیں ہوا ہے، وسطی ایشیا کے اس ملک کا دعویٰ ہے کہ ابھی تک یہاں کورونا وائرس کا کوئی کیس رپورٹ نہیں ہوا، دوسری جانب ماہرین کا کہنا ہے کہ سنسرشپ کے لیے مشہور ترکمانستان حکومت حقائق چھپا رہی ہے۔ اس حوالے سے لندن سکول آف ہائیجین اینڈ ٹراپیکل میڈیسن
کے پروفیسر مارٹن میکی جنہوں نے ترکمانستان کے صحت سے متعلق نظام کا مطالعہ کیا ہے انہوں نے کہا کہ ترکمانستان سے ملنے والے صحت کے سرکاری اعداد وشمار انتہائی حد تک ناقابل اعتبار ہیں۔واضح رہے کہ ترکمانستان میں روز مرہ کی زندگی معمول کے مطابق جاری ہے۔ کیفے اور ریستوران بھی کھلے ہیں۔ شادیاں بھی ہو رہی ہیں اور نہ ہی کوئی ماسک پہن رہا ہے۔
