ریاض(مانیٹرنگ ڈیسک) سعودی حکومت نے کورونا وائرس کے پیش نظر مکہ اور مدینہ میں کرفیو کا دورانیہ 24 گھنٹے کر دیا ہے۔ ایک نجی ٹی وی چینل کی رپورٹ کے مطابق 24 گھنٹوں کے لئے یہ کرفیو غیر معینہ مدت تک ہو گا۔ اس بارے میں سعودی وزارت داخلہ کا کہنا ہے کہ شہری صرف راشن اور ادویات کی خریداری کے لیے گھروں سے نکل سکیں گے۔ اس سے قبل مکہ اور مدینہ میں سہ پہر 3 بجے سے شام 6 بجے

تک کرفیو لگایا گیا تھا۔ واضح رہے کہ سعودی عرب میں آج کرونا وائرس کے مزید 165 کیسز سامنے آئے ہیں، ان کیسز کے سامنے آنے سے سعودی عرب میں متاثرین کی تعداد 1885 ہو گئی ہے۔ سعودی وزارت صحت کا کہنا ہے کہ گزشتہ 24 گھنٹوں کے دوران 5 افراد کورونا وائرس کے باعث جاں بحق ہوئے ہیں، سعودی وزارت صحت کے مطابق کرونا وائرس سے جاں بحق ہونے والے افراد کی تعداد 21 ہو چکی ہے۔