تہران (این این آئی)ایران میں جیسے جیسے کرونا کی وباء تیزی کے ساتھ پھیل رہی ہے وہیں برسر اقتدار ٹولے بالخصوص سپریم لیڈر آیت اللہ علی خامنہ ای کے خلاف عوام وخواص کا غم غصہ بھی مسلسل بڑھتا جا رہا ہے۔عرب ٹی وی کے مطابق ایران کی 100 سرکردہ سیاسی اور سماجی شخصیات نے ایک کھلا خط شائع کیا جس میں انہوں نے سپریم لیڈر آیت اللہ علی خامنہ ای کو کرونا کی وباء

کے معاملے میں غیر ذمہ داری کا مظاہرہ کرنے کا ذمہ دار قرار دیا ۔مکتوب میں کہا گیا کہ سپریم لیڈر اور ان کے حاشیہ برداروں نے کرونا کی وباء کے بارے میں ایک ماہ تک قوم سے حقائق چھپائے رکھے۔ حقائق سے چشم پوشی برتنے کے نتیجے میں پورے ملک میں کرونا نے المیہ برپا کردیا۔ کرونا کی وباء اس لیے بے لگام ہے کہ حکومت نے شروع دن سے اس پرقابون پانے کے بجائے اس پر پردہ ڈالنے کی پالیسی اپنائی۔خامنہ ای پرتنقیدی مکتوب پر دستخط کرنے والی سرکردہ شخصیات میں بین الاقوامی توانائی ایجنسی کے سابق مشیر بہروز بیات، فزکس اور کیمسٹری کے سائنسدان مہران مصطفوی اورہا لینڈ سے نشریات پیش کرنے والے فارسی ریڈیو’زمانہ’ کے سابق ڈائریکٹر مہدی جامی شامل ہیں۔

موضوعات:خامنہ ای