اسلام آباد(مانیٹرنگ ڈیسک)کابل میں ایک ہی وقت میں اشرف غنی اور عبداللہ عبداللہ نے صدر کا حلف اٹھالیا، اشرف غنی نے صدارتی محل میں حلف اٹھایا جبکہ عبداللہ عبداللہ نے ان کی جیت تسلیم کرنے سے انکار کردیا اور سپیدار محل میں ایک الگ تقریب میں انہوں نے بھی حلف اٹھالیا، اشرف غنی کی
تقریب حلف برداری میں امریکی نمائندہ خصوصی بھی شریک تھے جبکہ اس موقع پر کئی دھماکے سنے گئے جس کی وجہ سے تقریب بھی بدنظمی کا شکار ہوگئی ، لوگ بھاگنے لگے جس کی ویڈیو بھی سامنے آگئی ۔خوش قسمتی سے کسی قسم کے جانی نقصان کی اطلاع نہیں ملی، اشرف غنی بھی محفوظ رہے ۔
